Білім беру, әлеуметтік және экологиялық бағдарламаларды әзірлеу және енгізу саласында кең тәжірибесі бар Жаннат University College London (UCL, Ұлыбритания) және New York University (NYU, АҚШ) магистр дәрежелерін алған.

Ол Қазақстан Республикасы Үкіметінің «Болашақ» бағдарламасының стипендиаты, Ұлыбританияның Сыртқы істер, Достастық және Даму Министрлігінің Chevening стипендиясының иегері және АҚШ Мемлекеттік департаментінің International Visitor Leadership Program (IVLP) Impact Award марапат лауреаты, цифрлық білім беру, экологиялық тұрақтылық және саясатты өзгерту салаларындағы еңбегі үшін танылған.

Қауымдастықтарды білім мен мүмкіндіктер арқылы нығайтуға деген ұмтылыспен, Жаннат Bilim Barine-нің әсерін кеңейтіп, серіктестіктерді дамытып, қаржыландыру тарту және жаңашыл бастамаларды жүзеге асыру жұмыстарын жалғастыруда.

Жаннат — өмір бойы білім алуға ұмтылатын жан, жасанды интеллект пен психология тақырыптарына қызығады, сондай-ақ жеке даму кітаптары мен Агата Кристи романдарын оқуды ұнатады.

Бауыржан— жаңартылатын энергия және жасыл технологиялар саласындағы сарапшы, қалдықтардан энергия өндіру жүйелері, сутегі өндіру және тұрақты энергетикалық шешімдер бойынша кең тәжірибеге ие.

Ол «Болашақ» бағдарламасының стипендиаты және University of Glasgow (Ұлыбритания) Машина жасау саласындағы PhD және Newcastle University (Ұлыбритания) Жаңартылатын энергия магистрі дәрежелерінің иегері.

Инженерия саласында тәжірибесі мол Бауыржан ірі инженерлік компанияларда істеп, қалдықтарды энергияға айналдыру және жаңартылатын энергия көздері бойынша халықаралық озық зерттеулерге қатысқан. Оның Bilim Barine миссиясын дамыту үшін керекті техникалық білімі мен зерттеуге негізделген инновациялық идеялары бар.

Ол Scopus-та индекстелген 6 ғылыми мақаланың авторы, олардың төртеуі Q1 санатындағы журналдарда жарияланған, сондай-ақ Journal of Cleaner Production журналының рецензенті болып табылады.

Бос уақытында ол отбасымен белсенді демалуды ұнатады, әсіресе ормандар мен таулар сияқты әсем табиғат аясында серуендеуді жақсы көреді.

Сона — ағылшын тілін оқыту, оқу бағдарламаларын әзірлеу және мұғалімдерді даярлау саласындағы сарапшы. Ол Каспий Технологиялар және Инжиниринг Университетінде Педагогика және Психология бойынша PhD дәрежесін алған, онда Қазақстандағы мұғалімдердің жұмыс тиімділігін бағалау жүйесін зерттейді. Барлық академиялық дәрежелерін Қазақстан Республикасы Үкіметінің мемлекеттік стипендияларымен алып, үздік дипломмен бітірген.

Сона University of Cambridge-тың CELTA, TKT (Teaching Knowledge Test) және Train-the-Trainer сертификаттарының иегері және АҚШ Үкіметі қаржыландырған білім беру бағдарламаларының түлегі. Сондай-ақ British Council және City & Guilds ұйымдары ұсынған Assured Certificate in Teacher Education (ACTE) сертификатына иеленіп, мұғалімдерді даярлау бағдарламаларына білім алушыға бағытталған әдістер мен бағалау стратегияларын енгізу жолдарын толық меңгерді.

Bilim Barine-де Сона сыни ойлау, CLIL әдістемесі және инновациялық оқыту стратегияларын қамтитын оқу бағдарламаларын әзірлеу және өткізу жұмыстарымен айналысады. Бұрын университет оқытушысы, оқу бағдарламаларын әзірлеуші және мұғалімдерді даярлау жөніндегі тренер ретінде жұмыс істеп, Қазақстан бойынша педагогтардың кәсіби даму бағдарламаларын жүзеге асырды.

Оның жұмысы білім беру реформасы мен мұғалімдерді дамытуға ықпал етіп, Bilim Barine-нің Қазақстандағы тілдік білім беру мен педагогикалық тәжірибені жақсартудағы үлесін арттыруға бағытталған.

Кәсіби қызметінен тыс, Сона кішкентай қызының аяулы анасы. Ол әріптестерімен тәжірибе алмасуды, білім беру саласындағы жаңалықтармен бөлісуді және мансап пен аналық өмірді үйлестірудің шығармашылық жолдарын табуды ұнатады.

Айсулу — халықаралық мұнай компанияларында жұмыс тәжірибесі мол сатып алу, стейхолдерлермен байланыс және әкімшілік басқару саласындағы сарапшы.

Ол Қорқыт Ата атындағы Қызылорда Университетінде мұнай-газ менеджменті бойынша бакалавр дәрежесін алған. Сондай-ақ ода екі магистр дәрежесі бар: China University of Petroleum (Қытай Үкіметі қаржыландыруымен) геология бойынша және Болашақ Университетінде экономика бойынша. Барлық академиялық дәрежелерін мемлекеттік гранттармен оқып бітірген.

Bilim Barine-де Айсулу сатып алуды ұйымдастыру, стейкхолдерлермен байланыс және жобаларды тиімді іске асыруға жауап береді. Оның салалық тәжірибесі мен басқарушылық дағдылары ұйымның тиімділігі мен тұрақтылығын арттыруға ықпал етеді.

Жұмысынан тыс, Айсулу астрологияны мәдени және философиялық тұрғыдан зерттеуге қызығады.